ఎర్రకోట దగ్గర బాంబు ఉద్దేశపూర్వకమా? ప్రమాదవశాత్తూ జరిగిందా? ఎక్కడోచోట పేల్చాలన్నదే ఆ పేలుడుపదార్థాల టార్గెట్‌. కానీ సిగ్నల్‌ దగ్గర పేలుడు అనుకోకుండా జరిగిందా.. అనుకున్నప్రకారమే జరిగిందా అన్నదే అంతుచిక్కని ప్రశ్న. ఢిల్లీ ఎర్రకోట దగ్గర 13 మందిని బలితీసుకున్న కారుబాంబు పేలుడు ఎన్నో ప్రశ్నలు లేవనెత్తుతోంది. ఇన్వెస్టిగేషన్‌లో పోలీసుల్ని సైతం విస్మయపరిచే షాకింగ్ ఫ్యాక్ట్‌ బయటికొచ్చింది. అదే మదర్ ఆఫ్ సైతాన్.
2025 నవంబర్ 10.. ఢిల్లీ ఎర్రకోట దగ్గర చాందినీ చౌక్ మార్కెట్ చౌరస్తాలో కారుబాంబు పేలుడు.. ఒక భయానక దృశ్యాన్ని మిగిల్చింది. 10 కార్లు ధ్వంసమై 30 మంది శరీరభాగాలు చెల్లాచెదురైన ఘోరం అది. తర్వాత, నౌగామ్‌ పోలీస్‌స్టేషన్‌లో జరిగిన బిగ్‌ బ్లాస్టింగ్‌లో కూడా దాదాపుగా ఇదే సీన్. తొమ్మిదిమంది చనిపోయి శరీరభాగాలు 300 మీటర్ల దూరంలో ఎగిరిపడ్డాయి. పేలుళ్ల తీవ్రతను బట్టి ఈ రెండు ఘటనలకు పోలిక ఉందని ఫోరెన్సిక్‌ నిపుణులు అంచనాకొచ్చారు. దాని పేరే TATP.. అంటే ట్రై అసిటోన్‌ ట్రై పెరాక్సైడ్‌.
పేలుళ్లకు వాడింది IED అని తెలుసు. కానీ, అందులో అమ్మోనియం నైట్రేట్‌ వాడి ఉంటారని అనుమానించారు. ఇది మిలటరీ గ్రేడ్‌ బ్లాస్టింగ్‌ అని అప్పట్లోనే అనుమానించారు. ఇప్పుడు కొత్త కొత్త డౌట్లు పుట్టుకొచ్చాయి. పేలుడు కోసం TATP అనే పేలుడు పదార్థాలను వాడినట్లు తెలుస్తోంది. IEDలో ఇతర రసాయనాలతోపాటు TATP కూడా వాడినట్లు ఫోరెన్సిక్‌ బృందాలు పసిగట్టాయి. IEDలో 3 కిలోల అమ్మోనియం నైట్రేట్‌తోపాటు, పెట్రోల్‌, డీజిల్‌ కూడా వాడినట్లు గ్రహించారు. అన్ని రసాయనాలతో TATP బాంబు కనీస బరువు 50 కిలోల దాకా ఉంటుంది. ఇది పేలడానికి డిటోనేటర్లు అవసరం లేదు. కరెంట్‌ షాక్‌, అధిక వేడి, చిన్నపాటి ఘర్షణ, లేదంటే ఎలక్ట్రోస్టాటిక్‌ డిశ్చార్జ్‌.. వీటిలో ఏది జరిగినా TATP పేలిపోతుంది.
TATP ఎంత ప్రమాదకరమంటే అది చిన్న మోతాదులో ఉన్నా హ్యాండిల్ చేయడం కష్టం. తయారీ, రవాణా సమయంలో కూడా పేలే అవకాశం ఎక్కువగా ఉంటుంది. పర్‌ఫెక్ట్‌గా తీసుకెళ్లి పేల్చేస్తే దీని ప్రభావం TNT, అంటే ట్రై నైట్రో టాలిన్‌లో 80 శాతం దాకా ఉంటుందని ఒక అంచనా. అందుకే ప్రపంచవ్యాప్తంగా దీన్ని మదర్ ఆఫ్ సైతాన్‌గా పిలుస్తారు. భారీఎత్తున హింస చెలరేగాలంటే, మారణహోమానికి పాల్పడాలంటే ఉగ్రవాదులు దీన్నే ఎక్కువగా వాడతారు.
2001 డిసెంబర్‌లో అమెరికా విమానంలో 63 మందిని బలితీసుకున్న షూబాంబర్‌ ఆత్మాహుతి దాడి, 2005 జులైలో లండన్‌లో జరిగిన ఆత్మాహుతి దాడి, 2015 నవంబర్‌లో పారిస్‌లో వరుసపేలుళ్లు, 2016 బ్రస్సెల్స్‌లో జరిగిన ఆత్మాహుతిదాడి, 2017 మేలో మాంచెస్టర్‌ బాంబింగ్‌.. ఇవన్నీ TATP వాడకంతో జరిగినవే.
